Елжан Біртанов дәрі-дәрмекті рецептсіз сатуға неге тыйым салынатынын айтты

2020 жылға қарай Қазақстанда рецептсіз бір де бір дәрі сатылмайды.

ҚР Денсаулық сақтау министрі Елжан Біртанов Алматы дəріханаларында психотроптық заттардың рецептсіз сатылуына қатысты пікірін айтты.

Біз аталған жағдайлар бойынша тексеру жүргіздік, олар расталды. Дəріханаларға қатысты заңға сəйкес шаралар қабылданды. Шынымен де, рецептсіз дəрі сату деген — үлкен проблема. Бүгін мен баяндамамда айтқандай, 2020 жылға қарАЙ елде толық тәртіп орнатып, барлық дəрі-дəрмекті рецептсіз сатуға тыйым салмақпыз. Өкінішке қарай, сондай практика кездеседі — Адамдар дəріханаларға келеді, белгілі бір дəріні сұрамай, өз шағымдарын жеткізеді. Ал медициналық қызметкер емес, провизор саналатын дəріхана қызметкерлері дəрі тағайындайды. Олар күшті əсері бар препараттарды да сатады. Бұл — заңның өрескел бұзылуы, — деді министр үкімет ОТЫРЫСЫНЫҢ СЫРТЫНДА берген сұхбатында.

Дегенмен Елжан Біртанов дəріханалардың шағын жəне орта бизнес екенін еске салды. Сондықтан қолданыстағы заң аясында тексерулер халықтың ресми шағымдарының негізінде ғана жүргізіледі.

2019 жылғы 1 қаңтардан бастап дəрі-дəрмектердің шекті бағасы белгіленеді. Жалпы, дəріхана қызметтерін бақылау механизмі күшейтіледі. Оның ішінде препараттарды рецептсіз сатуға тыйым салу мәселесі де бар. Рецепт бойынша босатылуы тиіс дəрілердің барлығы рецептке сай сатылуы тиіс. Бұл үшін бізде ақпараттық жүйе əзірленіп жатыр, — деді Елжан Біртанов.

ДереккөзBaq.kz