Қазақта «Қорықтық ішкен қойшының қорасы болмас жақында» деген нақыл сөз бар. Қорықтық — далада жүргенде не көшіп-қонған кезде сүттен жылдам жасалатын сусын түрі.
Оны жасау үшін әуелі малды өрісте жүрген жерінде сауып алатын болған. Содан кейін жерошақ қазып, оған даланың кішкентай жұмыр тастарын әбден қыздырады. Қызып тұрған тастарды оттан шығарып желпіп, күлін түсіреді де, шелектегі сүтке бірнешеуін салып жібереді. Осылайша бірер минут ішінде қорықтық дайын болады.
Қорықтықты ыстықтай ішеді. Ол — жұғымды тағам әрі шөлбасар.
