Джакартадағы жазғы Азия ойындарында каратешілер сайысы жалғасып жатыр. 68 келіде сынға түскен Гузалия Ғафурова Азиаданың алтын медалін жеңіп алды.
ҚР Ұлттық Олимпиада комитетінің баспасөз қызметінің хабарлауынша, Гузалия Ғафурова бірінші айналымда өзбекстандық қарсыласын 3:0 есебімен жеңді. Екінші айналымда Иран өкілінен басым түсті.
Ал жартылай финалда қазақстандық спортшы Вьетнам каратешісін 8:5 есебімен жеңіске жетті.
Финалда Гузалия Ғафурова қытайлық спортшы Ли Линг Тангты 2:0 есебімен жеңді.
Қазір Қазақстан 6 алтын, 8 күміс, 28 қоламен жалпы есепте 11-орында келеді. Азия ойындарына барлығы 440 спортшымыз қатысып жатыр.
