Азиада-2018: Дархан Нортаев Қазақстанға кезекті алтын медаль сыйлады

Азия ойындарында Қазақстан қоржынына төртінші алтын жүлде салынды.

Джиу-джиутсудан 62 келіде сынға түскен қазақстандық Дархан Нортаев Азия ойындарының жеңімпазы атанды.

Ұлттық Олимпиада комитетінің баспасөз қызметінің хабарлауынша, Дархан 1/8 финалда қырғызстандық Әбілдабек Кекеновты 2:0 есебімен жеңсе, келесі айналымда Біріккен Араб Әмірліктерінің спортшысынан 4:0 есебімен басым түсті.

Ақтық сында Біріккен Араб Әмірліктерінің тағы бір спортшысын жеңген Дархан Азиада чемпионы атанып, Қазақстан қоржынына төртінші алтын жүлдені салды.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз