Адамның ақылы, білімі, тәжірибесі көбейген сайын ми қатпарлары да көбейеді.
Аңыз. Себебі, ми қатпарлары адам өмірге келген алғашқы айда қалыптасады да, өзгеріссіз қалады. Интеллектінің дамуы ми қатпарларының көптігіне байланысты емес.
Ми ешқашан демалмайды.
Ақиқат. Ми адам ұйықтап жатқанда да жұмыс істейді. Ұйықтағанда түс көру – осының дәлелі.
Адамның миы компьютер сияқты жұмыс істейді.
Аңыз. Ми мен компьютердің жұмысы бір-біріне ұқсамайды. Компьютер процессорында жады мен есептеулер бөлек орналасқан. Ал мида жад есептеулерді де жүргізеді.
Ми бөліктері рентгеннен анық көрінеді.
Аңыз. Рентген суретінен дененің жұмсақ бөліктері нашар көрінеді. Сондықтан одан мидың бөліктерін анық байқау мүмкін емес.
Ер адам мен әйел адамның миында айырмашылық бар.
Ақиқат. Шындығында ер мен әйелдің миында айтарлықтай айырмашылық бар. Әдетте ерлердің миы ауырлау болады. Олардың ми бөлімдері де өзгеше. Бірақ мұның ойлау қабілетіне еш әсері жоқ.
Адамның интеллекті мидың көлеміне байланысты.
Аңыз. Мидың мөлшері мен адамның интеллекті арасында ешқандай байланыс жоқ. Мысалы, ежелгі адам неандерталдың миы қазіргі адамдардікінен екі есе үлкен болған.
Ауру рецепторлары мида орналаспаған.
Ақиқат. Бұл енді шындық. "Сонда бас не себепті ауырады?" деген орынды сұрақ. Ауру рецепторлары мида емес, бас қыртысында орналасқан. Сондықтан ми емес, "басым ауырып тұр" деген дұрысырақ.
Мидың көп бөлігі майдан тұрады.
Ақиқат. Шындығында мидың 60%-ы майдан тұрады.
Адам миының 10%-ын ғана қолданады.
Аңыз. Мидың әр бөлігі әртүрлі әрекетке жауап бергенімен күні бойы адам мидың әлеуетін толық пайдаланады.
Есінеу мидың жұмысын жақсартады.
Ақиқат. Адам есігенде тыныс жолдары арқылы ағзаға оттегі барады. Оттегі көп келген кезде мидың жұмысы жақсара түседі.
Share:
