Ми туралы 10 тұжырым: миф пен ақиқат

"Адамның интеллекті миының көлеміне байланысты", "ер мен әйел миында айырмашылық бар", "мидың көп бөлігі майдан тұрады". Аталғандардың қайсысы шындық? Ми туралы 10 тұжырымның ақиқатын анықтап көріңіз.

Мидың көп бөлігі майдан тұрады.

Көру үшін шертіңіз
Ақиқат. Шындығында мидың 60%-ы майдан тұрады.

Ми ешқашан демалмайды.

Көру үшін шертіңіз
Ақиқат. Ми адам ұйықтап жатқанда да жұмыс істейді. Ұйықтағанда түс көру – осының дәлелі.

Ауру рецепторлары мида орналаспаған.

Көру үшін шертіңіз
Ақиқат. Бұл енді шындық. "Сонда бас не себепті ауырады?" деген орынды сұрақ. Ауру рецепторлары мида емес, бас қыртысында орналасқан. Сондықтан ми емес, "басым ауырып тұр" деген дұрысырақ.

Адам миының 10%-ын ғана қолданады.

Көру үшін шертіңіз
Аңыз. Мидың әр бөлігі әртүрлі әрекетке жауап бергенімен күні бойы адам мидың әлеуетін толық пайдаланады.

Ми бөліктері рентгеннен анық көрінеді.

Көру үшін шертіңіз
Аңыз. Рентген суретінен дененің жұмсақ бөліктері нашар көрінеді. Сондықтан одан мидың бөліктерін анық байқау мүмкін емес.

Ер адам мен әйел адамның миында айырмашылық бар.

Көру үшін шертіңіз
Ақиқат. Шындығында ер мен әйелдің миында айтарлықтай айырмашылық бар. Әдетте ерлердің миы ауырлау болады. Олардың ми бөлімдері де өзгеше. Бірақ мұның ойлау қабілетіне еш әсері жоқ.

Есінеу мидың жұмысын жақсартады.

Көру үшін шертіңіз
Ақиқат. Адам есігенде тыныс жолдары арқылы ағзаға оттегі барады. Оттегі көп келген кезде мидың жұмысы жақсара түседі.

Адамның миы компьютер сияқты жұмыс істейді.

Көру үшін шертіңіз
Аңыз. Ми мен компьютердің жұмысы бір-біріне ұқсамайды. Компьютер процессорында жады мен есептеулер бөлек орналасқан. Ал мида жад есептеулерді де жүргізеді.

Адамның интеллекті мидың көлеміне байланысты.

Көру үшін шертіңіз
Аңыз. Мидың мөлшері мен адамның интеллекті арасында ешқандай байланыс жоқ. Мысалы, ежелгі адам неандерталдың миы қазіргі адамдардікінен екі есе үлкен болған.

Адамның ақылы, білімі, тәжірибесі көбейген сайын ми қатпарлары да көбейеді.

Көру үшін шертіңіз
Аңыз. Себебі, ми қатпарлары адам өмірге келген алғашқы айда қалыптасады да, өзгеріссіз қалады. Интеллектінің дамуы ми қатпарларының көптігіне байланысты емес.

Біздің Telegram-каналымызға жазылыңыз!