Бөлім басшысының айтуынша, жағажайда бес құтқарушы мен бір көлік жұмыс істейді. Олар шомылушылардың қауіпсіздігін бақылайтын болады. Қазіргі уақытта қалалық жағажайға шатырлар, қоғамдық дәретхана және тазартылған құмдар, сондай-ақ терең орындарға белгілер мен қоршаулар орнатылған.
Орталық саябақта орналасқан жағажайға кіру ақысы биыл өзгеріссіз қалды: билет құны ересектерге — 500 теңге, балалар үшін — 200 теңге, ал мүгедектер, зейнеткерлер мен жеті жасқа дейінгі балалар үшін тегін. Сондай-ақ биыл саябақта отбасылық жағажай клубы ашылды.
«Кешенде үш жүзу бассейні бар. Біріншісі — ең кіші, оның тереңдігі — 20 см. Екінші бассейннің тереңдігі — 1,5 м, ал ересектерге арналған үшінші бассейннің тереңдігі — 2,5 м. Ересектер үшін билеттің бағасы — 5 000 тг, балалар үшін — 3 000 тг, үш жасқа дейінгі балалар тегін», — деді Ирина Масленко.
