24 мамыр: Еліміздің бірқатар аймағында жаңбыр жауады

Қазақстанның басым бөлігінде бейсенбі күні атмосфералық фронталды ағындардың өтуіне байланысты жауын жауып, найзағай ойнап, жел күшейіп, шаңды дауыл тұрады, деп хабарлайды «Қазгидромет» синоптиктері.

ауа райы жаңбыр
Фото: Reuters.com

Ақмола, Қостанай, Павлодар, Шығыс Қазақстан, Солтүстік Қазақстан, күндіз Қарағанды, Батыс Қазақстан, Ақтөбе, Атырау, Жамбыл облыстарының бірқатар аймақтарында желдің күші секундына 15-20 метрге жетеді.

Солтүстік Қазақстан облысының кей жерлерінде түнде және күндіз тұман түседі.

Оңтүстік Қазақстан облысының бірқатар аймақтарында шаңды дауыл көтеріліп, жел секундына 15-20 метр жылдамдықпен ұйтқиды.

Қызылорда облысында шаңды дауыл көтеріліп, күндіз кейбір аудандарда желдің күші секундына 15-20 метрге жетеді.

Күндіз Атырау облысында күн қатты ысиды.