Кофе ішу мәдениеті: Эспрессо мен латтенің айырмашылығы

Кофе - жанармайдан кейінгі әлемдегі ең өтімді тауар. Қазақстанда кофе ішу мәдениеті қалай қалыптасқан? Эспрессо, латте, капуччино... Бүгін аталған кофе түрлерінің айырмашылығына тоқталатын боламыз.

Кофе – ең сұранысқа ие сусындардың бірі. Қайталанбас исі мен тіл үйірер өзіндік дәмінің өзіне тән құпиялары мен қағидалары бар.

Кофені тек ыстық күйінде ғана емес, мұздатып та ішуге болады. Алайда, бұл кофені суытып ішу емес, ішіне мұз салып тұтыну деп аталады. Мұндай әдісті пайланатындар ыстық әрі қапырық далада өзін жеңіл сезінеді.

Егер дәмі тіл үйірер кофеиннің өзінен жақсы әсер алғыңыз келсе, араластырылған емес, қайнатылған кофе ішу керек. Себебі, қайнатылған кофенің құрамында кофеиннің мөлшері екі есе көп болады.

«Орысша дайындалған кофе» — кофе дайындау әдісінің әйгілі түрі. Бір қызығы, бұл кофені жасау әдісі – Ресейден емес, Германиядан бастау алған. «Орысша дайындалған кофенің» ерекшелігі — құрамында арақтың болуы.

Америка Құрама Штаттарында ең көп кофені тұтынатын адамдар тұрады. Дәл Америкада қайталанбас дәмі бар кофені өсіреді. Бұған себеп – бұл сорт өнімдерін Гавай вулкандар етегінде өсіреді.

Ең қолжетімсіз және бағасы тым қымбат кофенің түрі – Kopi Luwak деп аталады. Ол – Суматра аралында өседі. Кофе тұқымдары жинап алынып жыртқыш аңдарға тамақ орнына ұсынады. Жануардың асқазанында кофе тұқымы қайнатылып, қайта алынады. Бұл өсімдерден өндірілген кофенің килограммы – 1000 евро тұрады екен.

Кофе дайындаудың сан түрлі әдістері бар. Ең пайдалысы – Скандинавиялық әдіс болып табылады. Оның ерекшелігі – қайнатылуында.

Жақсы кофе – араққа сылқия тойғандардың есін жақсы жиғызады. Ішімдікпен бірге бұл сусынды тұтынбауға кеңес береміз. Себебі, ішімдіктен кейінгі мастықты кофе атаулысы одан әрі ушықтырып зиян келтіруі ықтимал.

Тіпті адамның қызығушылығын оятатын түрлі қызықты кофе дайындау әдістері бар. Оның ішінде май, тіпті бұрыш пен сарымсақ қосылған түрлері де бар.

Қазақстандықтар жиі тұтынатын кофе түрлерінің құрамында мынадай айырмашылықтар бар:

Кофе түрлері
©Baribar.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз