“Қайырымды көршіге рахмет” акциясы наурыздан басталады

ҚХА төрағасының орынбасары Дархан Мыңбай 2018 жылы Қазақстанда көршілерге алғыс айту акциясы басталатынын айтты.

Қайырымды көршіге рахмет
©kazinform.kz

“Қайырымды көршіге рахмет” науқаны 1 наурыздан бастап жүргізілетін болады.

«Алғыс айту» күні аясында елімізде алғаш рет «Қайырымды көршіге рахмет» өтеді. Бұл – бірге өмір сүріп жатқан қауымдастықтар мен түрлі этностардың бірлігін нығайтатын игі бастама. Акцияда көрші үйлер, ауылдар мен аудандарда тұратын халықтардың кездесуін ұйымдастыруға болады. Онда бір біріне алғыс айтып, ескі өкпе-реніш  болса кешірім сұрау керек. Сонымен қатар, көрші орналасқан мекеме ұжымдарында осы шараға тартуға болады», – дейді Дархан Мыңбай.

Сондай-ақ ол 1 наурыздан бастап, ҚХА-ның ақпарттық жобалары таныстырылатынын айтты. 1 наурызда Ассамблеяның мультимедиялық порталы мен Қазақстан халқының интерактивті тақтасы халық игілігіне ұсынылмақ.