GIF форматындағы файлдарды қалай жасайды?

GIF форматындағы файлдарды жасауды үйренгіңіз келе ме? Назарларыңызға тегін әрі қолданылуы оңай сервистер мен мобильді қосымшаларды ұсынамыз.

Imgflip сервисінде фото немесе видео арқылы гифка жасай аласыз. Қолдану тәсілі оңай. Мысалы, видео арқылы гифка жасағыңыз келсе, YouTube, Vimeo т.б. желілердегі видеоның URL-ын алып, сайтқа қоясыз. Гифкаңызға мәтін қоссаңыз болады. Сондай-ақ, қозғалу жылдамдығын арттырып немесе кемітуіңізге де мүмкіндік бар. Сервисте гифканың өлшемдерін өзгертуге болады. Бірақ 480px-тен жоғарыларды ақылы нұсқа да ғана пайдалана аласыз.

Gif, imgflip
Скриншот © imgflip.com

Cервиске сілтеме мұнда.

Ал біз тегін нұсқасымен мынадай гифка жасадық:

2. Ezgif

Суреттерден, видеолардан гифка жасауға мүмкіндік беретін сервистің бірі – Ezgif. Ағылшын тілінде болғанымен, қалаған гифкаңызды оңай жасай аласыз. Сайттың бірінші бетінде GIF Maker, Video to GIF бөлімдері тұрады. Суреттерден гифка жасағыңыз келсе, GIF Maker-ді таңдап, мұндағы “Файлды таңдау” батырмасын басыңыз.Ezgif-те әртүрлі форматтағы саны 2000-ға дейін файлды таңдай аласыз.

ezgif, гифка жасау
Скриншот © ezgif.com

Гифкаңызға мәтін жазсаңыз болады. Бір артықшылығы: сервис өзінің логотипін гифкаңызға қоймайды.

Сервистің сілтемесі мұнда.

3. Makeagif

Makeagif сервисінде компьютеріңіздегі фото/видеодан немесе YouTube, Facebook, т.б. желілердегі видеолардан GIF форматындағы файлдарды қиындықсыз жасай аласыз. Желілердегі видеоларды пайдалану үшін, сервиске URL-ын алып көшіруіңіз қажет. Сервис видеоны жүктегеннен кейін, гифканың қай секундтан басталып, қанша секундқа дейін жалғасу керегін белгілейсіз. Соңында ” Create GIF” батырмасына басасыз, файл дайын болады.

makeagif, гифка жасау
Скриншот © makeagif.com

Cервиске сілтеме мұнда.

Біздің нұсқадағы гифка мынадай болды:

Қошқар мен теке - қазақша мультфильм

4. Гифка жасауға арналған мобилді қосымшалар

Гифка жасауға арналған тегін мобилді қосымшалар аз емес. Солардың бірі – iOS қолданушыларына арналған GIF Maker. Қосымшаны телефоныңызға тегін жүктеп, фото, видеодан гифкалар жасай аласыз. Ол үшін галереяңыздан қажет фото/видеоны таңдап, гифкаға айналдырасыз. Қосымшаны пайдалану оңай. Фонға музыка қойсаңыз болады, эффектілер саны да аз емес. GIF Maker қосымшасына сілтеме мұнда.

Gif Maker, гифка жасау
Скриншот © itunes.apple.com

Ал Android қолданушыларына арналған қарапайым қосымшаның бірі – Giphy Cam. Қосымша тегін. Смартфоныңыздың камерасымен қалаған фотоңызды түсіріп, оған дыбыс жазсаңыз да болады. Мұнда да саны көп эффектілер мен иконкаларды қалауыңызша таңдай аласыз. Goofle Play-гі рейтингісі – 4,2 Giphy Cam қосымшасына сілтеме мұнда.