Қостанай облысында бірнеше басқарма басшылары ауысты

Бүгін Қостанай облысының әкімі Архимед Мұхамбетов бірнеше басқарма басшыларын таныстырды.

Қостанай облысы әкімдігінің кәсіпкерлік және индустриалдық-инновациялық даму басқармасына Иса Мұсаұлы Құдабеков келді.

Ол аталған қызметке дейін ҚР Премьер-Министрі Кеңсесінің индустриалдық-инновациялық даму бөлімінде бас кеңесші болды. Қостанай облысы әкімдігінің дене шынықтыру және спорт басқармасының басшысы болып Евгений Вильямс бекітілді.

«Қазақстан темір жолы» АҚ басқарма төрағасының бұйрығымен Берік Молдабайұлы Қайдаров «Қостанай жолдары бөлімі» басшылығына келді. Ол бұған дейін «Қазақстан темір жолы» АҚ облыстық филиалы директорының орынбасары қызметін атқарған.

Дереккөзinform.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз