Шашты сүртіп құрғату үшін микрофибрадан тігілген орамалды немесе шақпақ (вафельді) орамалды қолданыңыз. Мұндай материалдар ылғалды жылдам сіңіреді.
Дымқыл шаштарға арналған арнайы тарақтар болады. Олар шаш арасына ауа өткізуге арналған. Аталған тарақтарды қолдану шаштың кебу уақытын азайтады.
Заманауи шаш кептіргішті қолданыңыз. Қазір феннің де түр-түрі бар. Ескі шаш кептіргіштің орнына жаңасын алыңыз. Dyson, Braun, BaByliss маркаларының шаш кептіргіштері шашыңызды көзді ашып жұмғанша кептіріп береді.
Шашыңызды басыңызды төмен иіп тұрып кептіріңіз. Сонда шашыңыз жылдам кебеді. Шаш кептіргішті шаштың түбіне дейін апарған дұрыс.
Арнайы құралдарды қолданыңыз. Шашты жылдам кептіруге арналған бальзам, сусабын, спрейлер бар.
