Экономика және бюджеттік жоспарлау басқармасының бастығы Ілияс Өсеровтің айтуынша, жастарға арналған несие жылына 5 пайыз мөлшерінде болады.
«Бұл мәселені шешу үшін «Тұрғын үй құрылыс жинақ банкі» арқылы тұрғын үй сатып алу үшін жастарға жеңілдікпен несие беру механизмін қолдану ұсынылады. Жастарға арналған несие жылына 5 пайыз мөлшерінде болады. Осы мақсаттар үшін жергілікті бюджеттен 1 миллиард теңге бөлу жоспарланып отыр. Жергілікті бюджеттен 303,2 миллион теңге қаражат денсаулық сақтау саласына, жедел жәрдем шақыру санын көбейтуге байланысты шығындарды жабу, сондай-ақ 3 денсаулық сақтау нысанын сейсмикалық күшейту және онкоорталық салуға бөлу көзделіп отыр», — деп атап өтті Ілияс Өсеров.
Айта кетейік, әлеуметтік салаға 1,8 миллиард теңге бөлінді. Оның басым бөлігі жастарды қолжетімді баспанамен қамтамасыз етуге қарастырылған.
Атырау қаласынан мұндай мүмкіндік қарала ма.ауылдан қалаға көгкім келеді.мұғаліммін.