Тегін курсты ұлттық кәсіпкерлер палатасы өткізбек. Жасы 18 бен 29 арасындағы іскер топ өкілдері апта бойы бизнестің негіздерін терең меңгеріп, жоба әзірлеуді үйренеді, қаржылық құжаттар әзірлеудің қыр-сырына қанығады.
Оқу аяқталған соң қатысушылардың бизнес жобалары арасынан ең үздігі іріктеліп, 3 миллион теңгенің мемлекеттік бизнес грантын иеленеді.
Мақсат Құланбаев, облыстық кәсіпкерлер палатасының бөлім жетекшісі: Біздер шамамен қазіргі өтініштерге қарағанда 30-ға жуық адам қатысады деп отырмыз. Одан да көбірек келуі мүмкін. Қазіргі таңда аталған оқуға өтініштер әлі күнге дейін қаралып жатыр. Біздің оқу нақты бизнесті жүргізуге бағытталған оқу болып табылады.