“Alash-pride” Арман Оспановтың жеңілісін түсіндірді

«ALASH PRIDE» жекпе-жек клубының жетекшісі Данияр Қасқарауов Халықаралық ММА турниріндегі Арман Оспановтың жеңілісіне қатысты пікірін білдірді.

Арман Оспанов

“Алматы-аренада” 9 қыркүйек күні өткен «ALASH PRIDE-ACB» халықаралық ММА турнирінде кештің басты жекпе-жегінде отандасымыз Арман Оспанов бразилиялық Тьяго Луис Сильвадан жеңіліп қалды. Оның себебін Данияр Қасқарауов былайша түсіндірді:

“Арманның жеңілісі “Алаш прайд” клубына, жанкүйерлердің де жанына батты. Спорттың аты – спорт. Кез келген спортшы жеңіледі. Арман жекпе-жекке дейін екі аптада ауруханада жатып шыққан болатын. Жалпы, АҚШ-та, Тайландта, Дағыстанда дайындалды. Дағыстаннан қыркүйек айының басында келеуі керек еді. Қолына жара шығып, жарыстан 10 күн бұрын алып келіп, Алматыда ота жасаттық. “Антибиотиктер” әсер еткен болуы керек. Жарысқа 4-5 күн қалғанда, бірінші жаттығуға шыққанда ол әлсіздік сезгенін айтты. Бірақ “тер шыққасын, алуым керек” деді. Бұл ретте қарсыласты бағаламауға болмайтынын көріп отырмыз. Бір жағынан жарнама жасап қойған соң, халықты шақырып қойғасын бас тарта алмадық. Басты кездесу болмағанда Арманға денсаулығына байланысты бұл жарысқа шықпай-ақ қоюға да болатын еді. Қорытындысы былай болады деп ойламадық. Енді уақытта созбай қарымта кездесу өткізу қалды енді. Қарсылас тактикасын жақсы қойып келген”.

“Алаш прайд” клубы жетекшісі Арман Оспанов жеңілгеннен кейін қанша сыйақы алатынын айтты.

“Айтарым, кез келген спортшыны бағаламауға болмайды. Арман сияқты рейтингісі жоғары спортшылар болашақта денсаулығы жарамай тұрса міндетті түрде сайысқа шықпауы керек. Ақталу емес. Жеңілдік. Енді тезірек жұмыс жасап, жаңа жылға дейін сол спортшымен кездесу ұйымдастыруымыз керек. Арман Оспанов бұл жекпе жекте ұтқан жағдайда 60 мың АҚШ долларын алуы керек болған. Ұтылған жағдайда 30 мың доллар болады. Бразилиялық қанша алатынын білмедім”, – деді Данияр Қасқарауов.

Қазақстанның ең үздік файтері, «Alash Pride FC» сарбазы – Арман Оспанов бұл қарсыласына дейін кәсіпқой аралас жекпе-жекте сегіз кездесуге шығып барлығында айқын жеңген. Ол әскери самбодан ҚР еңбек сіңірген спорт шебері, қоян-қолтық ұрыстан әлем және ТМД чемпионы, әскери самбодан әлемнің үш дүркін чемпионы.

Оның қарсыласы Тьяго Луис Силва – бразилиялық спортшы, джиу-джитсудан қара белбеу иегері және «Shooto Brasil» ұйымының нұсқасы бойынша әлем чемпионы.

«ALASH PRIDE – АСВ» турниріне белгілі америкалық UFC рефериі- Джон Маккарти мен Херб Дин өзінің әділқазылар бригадасымен төрешілік етті.

Біздің Telegram-каналымызға жазылыңыз!