15 шілдеге арналған ауа райы болжамы

Қазгидрометтің хабарлауынша, бүгін еліміздің басым бөлігінде жаңбыр жауып, найзағай болады. Кей жерлерде жел күшейіп, жекелеген аудандарда түнде және таңертең тұман күтіледі. Тек республиканың батыс және оңтүстігінде ауа райы жауын-шашынсыз.

Бүгін Шығыс Қазақстан облысында желдің жылдамдығы 15-20 м\с, күндіз 25 м/с-ға дейін күшеюі күтіледі, күндіз кей жерлерінде бұршақ жаууы мүмкін.

Қарағанды облысының кей жерлерінде желдің жылдамдығы 15-20 м/с-ға дейін күшейеді, таңертең тұман болып, күндіз бұршақ жаууы мүмкін.

Ақмола, Қостанай, Павлодар облыстарында да желдің күшейіп, бұршақ жауады.

Солтүстік  Қазақстан облысында желдің жылдамдығы 15-20 м/с-ға дейін күшейеді,  түнде және таңертең тұман күтіледі.

Жамбыл, Оңтүстік Қазақстан облыстарының  кей жерлерінде желдің жылдамдығы 15-20 м/с-ға дейін күшейеді.

Қызылорда, Оңтүстік Қазақстан облыстарында, Батыс Қазақстан, Атырау, Ақтөбе, Қостанай, Қарағанды, Жамбыл, Алматы облыстарында өте жоғары өрт қаупі әлі де болса сақталады.