Көркем фильмнің продюсерлері — Әсел Сәдуақасова мен Ерболат Беделхан. Өмірбаяндық фильмнің сценарийін режиссер Асқар Ұзабаев пен Сергей Литовченко жазып шыққан.
«91» фильмі «Ninety One» тобындағы солистердің басынан өткен оқиғаларды баяндайды. Бұл топ музыкадағы Q-pop (қазақ поп-музыкасы) бағытының негізін қалаған. Экранда әнші жігіттер өмірдегі рөлдерін сомдайды. Топтың құрамында Азамат Зенкаев (A.Z), Данияр Кұлымшин (Bala), Дулат Мұхаметқалиев (ZaQ), Азамат Ашмақын (Ace) және Батырхан Мәліков (Alem) бар. Олар фильмде актерлік қырын ғана танытып қоймай, өздерінің әндерін де орындайды. «Ninety One» тобының концерттерінен көріністер де кездеседі.