Латын әліпбиіне көшу үшін 2025 жылды күтпейміз – Нұрсұлтан Назарбаев

Нұрсұлтан Назарбаев қазақ тілінен латын әліпбиіне өту процесін созбалауға негіз жоқ деген шешімге келді.

Нұрсұлтан Назарбаев
Нұрсұлтан Назарбаев. ©Baq.kz

«КССР-де өмір сүрген қазақтар кириллицамен жазды, Қытайда тұрғандар — төте жазумен, Батыс елдеріндегілер — латын әрпімен жазды. Тіліміз бір болғанымен, үш түрлі жазумен жазып, кімнің не жазғанын түсінбедік. Бұл ұрпақтарымыздың жігін ажыратып жіберуі мүмкін еді, бұл бір, екінші жағынан — қазіргі жазу ғаламтордағы техника мен ғылым жетістігінен алшақтатты. Мұны дұрыстау үшін жұмысқа кірістік. Қазақ тілінің латын әліпбиіне өтуі бізді біріктіре түседі», — дейді Елбасы.

«Жолдауымда мерзімді 2025 жыл деп белгіледім, бірақ, мұны созбалауға негіз жоқ деп ойлаймын. Ғалымдарымыз Түркияның, латын әліпбиіне өткен көршілеріміздің тәжірибесіне сүйене отырып, біздің әліпбиімізді жасай алады. Олардың кемшіліктерін ескеріп, өз әліпбиімізді жасауымыз керек. Бұл қиын емес, өйткені балалар бірінші сыныптан бастап ағылшын тілін оқиды. Бізге қиын болмайды», — деп түйіндеді сөзін Нұрсұлтан Назарбаев.