Асхат Садырбай Алматы әуежайына Қонаевтың есімін беру туралы ұсыныс айтты

Танымал тележурналист Асхан Садырбай Астана әуежайының ауыстырылуына байланысты пікірін білдірді. Әуежайдың Елбасының атына берілуін қолдаған журналист Алматы әуежайына Дінмұхаммед Қонаевтың атын беруді ұсынды.

Асхат Садырбай

«Меніңше әлем астаналарының атауы – брэнд. Сол сияқты үлкен xалықаралық әуежайлардың да өз алдына брэнд болғаны дұрыс, әрі әдемі. Енді Астанаға ұшақпен қонғанда ұшақ командирінің “Құрметті жолаушылар, біздің әуе кемеміз Нұрсұлтан Назарбаев әуежайына қонды” деген сөзі құлағымызға ерекше жағымды естіледі деп ойлаймын. Жаңа әуежайдың жаңа атауы жақсы бастамаларға себеп болсын. Енді Алматыдағы әуежайдың атын Дінмұxаммед Қонаев деп атаса керемет болар еді.
Түркияның мемлекет болып қалыптасуына елеулі үлес қосқан Ататүрік атындағы xалықаралық әуежайы, Францияның бесінші республика болып саясатқа жаңашыл бетін бұрған Шарль де Голь атындағы xалықаралық әуежайы олардың тәуелсіздігімен көшбасшыларының қатар келе жатқандығын көрсетеді»-деп жазды журналист желідегі парақшасында.