Қазақстандық сейсмологтар 15 мамырға қараған түні Қытай аумағында магнитудасы 4,5 болатын жер сілкінісін тіркеді. Бұл туралы Baribar.kz хабарлап отыр.
ҚР ұлттық ядролық орталығы геофизикалық зерттеулер институтының мәліметінше, жер сілкінісі Астана уақыты бойынша сағат 00:23-те болған.
Жерасты дүмпуінің эпицентрі солтүстік ендіктің 41,32 градусы мен шығыс бойлықтың 84,00 градусында орналасқан.
Сейсмикалық оқиғаның магнитудасы 4,5, энергетикалық класы K=10,7 болған. Ошақ тереңдігі 20 шақырым болды.
