Түркістанда өтетін Түркі мемлекеттері ұйымының бейресми саммитіне байланысты бірқатар мәдени нысандардың жұмысына уақытша шектеу енгізіледі. Бұл туралы Baribar.kz хабарлап отыр.
Қожа Ахмет Ясауи кесенесі мен музей-қорыққа қарасты барлық музейлер 14–15 мамыр күндері келушілер үшін жабық болады.
Әзірет Сұлтан ұлттық тарихи-мәдени музей-қорығы әкімшілігінің мәліметінше, аталған күндері Ticketon және «Давай Сходим» платформалары арқылы онлайн билет сатып алуға да уақытша шектеу қойылған.
Халықаралық деңгейдегі маңызды іс-шараны өткізу барысында енгізілетін уақытша шектеулер мен қауіпсіздік шараларына түсіністікпен қарауды сұраймыз, – делінген ресми хабарламада.
