Семейде түнде бойжеткенді қорқытып, әлеуметтік желіде шу тудырған 24 жастағы қыз психиатриялық ауруханаға жатқызылды. Бұл туралы Baribar.kz хабарлап отыр.
Оқиға туралы Аружан есімді бойжеткен өзінің әлеуметтік желідегі парақшасына жазған. Оның айтуынша, видеоны жариялағаннан кейін оған да желіде сыни пікірлер көп жазған.
Ешқандай моральдық өтемақы талап еткен емеспін, адвокат жалдауға да жеке қаражат жұмсамадым. Не көрдім – соны жарияладым, – дейді Аружан.
Жәбірленуші бастапқыда күдіктінің түрмеге қамалуын талап етпегенін атап өтті. Оның негізгі мақсаты — жеке қауіпсіздігін қамтамасыз ету, яғни қарсы тараптың өзіне жақындамауын заңды түрде бекіту. Ол оқиғадан кейін психолог көмегіне мұқтаж болғанын, енді анасына бес минут сайын қайда екенін хабарлап отыратынын жазды.
