Не болды?
«Қайрат» пен «Интердің» Миландағы матчының билеті Алматыда «Реал Мадридпен» өткен ойыннан ондаған есе арзан. Бұл туралы Goalkz_official футбол медиа-ресурсы хабарлап отыр.
Мәлімет
6 қарашада Италияда УЕФА Чемпиондар лигасы аясында Қазақстан командасы «Қайрат» пен Италия командасы «Интер» футбол ойнайды. Ойынға билет сатыла бастады. Италия алаңында өтетін матч билеті 3 840 теңгеден басталады. Қазақстандағы жанкүйерлер билет бағасын қызу талқылап жатыр.
Жарияланған мәлімет бойынша, билет бағасы мынадай:
-
Terzo Rosso – 6 € = 3 840 теңге.
-
Terzo Rosso Centrale – 10 € = 6 400 теңге.
-
Secondo Rosso Centrale – 19 € = 12 160 теңге.
Орталық секторлардағы баға қымбатырақ:
-
Tribuna Arancio 158 – 55 € = 35 200 теңге.
-
Tribuna Arancio Central – 59 € = 37 760 теңге.
-
Tribuna Arancio 164 – 55 € = 35 200 теңге.
Goalkz_official жазуына қарағанда, Италиядағы орташа жалақы – 1 570 000 теңге.
Естеріңізге салайық, «Қайрат» – «Реал Мадрид» матчының билеті €46-дан €390-ға дейін (29 440 – 249 600 теңге) бағаланған еді.
Контекст
Бұған дейін азаматтар әлеуметтік желіде «Қайрат» — «Реал» матчының билетіне қатысты мәселе туралы жазған еді.
Freedom Holding басшысы Тимур Турлов «Қайрат» – «Реал» матчы билеті мәселесіне алып-сататындарды кінәлады.
Анықтама
«Қайрат» пен «Интердің» Миландағы матчы 6 қараша күні, сағат 01:00-де Миландағы әйгілі «Сан-Сиро» стадионында өтеді.
