Президенттің тапсырмасы бойынша Астана су қоймасы 55 жылдан кейін алғаш рет тазартылып жатыр. Бұл туралы cу ресурстары және ирригация министрлігі хабарлап отыр.
Кешенді тазарту жұмысын cу ресурстары және ирригация министрлігінің қолдауымен «Қазсушардың» Ақмола облысындағы филиалы жүргізіп жатыр.
Министрліктің мәліметінше, су қоймасын тазартуға екі техника жұмылдырылған: сағатына 2 000 текше метрге дейін түрлі шөгінділерден тазартатын үлкен жерснаряд және қуаты сағатына 900 текше метрге дейін жететін көпфункционалды әрі өздігінен жүретін шағын жерснаряд.
Биыл Астана су қоймасынан 50 мың тонна лай шығару жоспарланған. Бұл жұмыстар қазан айының соңына дейін жалғасып, жыл сайын 13 жыл бойы жүргізіледі. Нәтижесінде Астана су қоймасының сыйымдылығы 47 миллион текше метрге артады.
Нысан көбірек су жинап, елорда тұрғындарын сумен қамтамасыз етуді жақсартуға мүмкіндік береді. Астана су қоймасы 1970 жылы пайдалануға берілген. Бүгінде нысанды түбіндегі шөгінділерден тазарту алғаш рет жүргізіліп жатыр.
Президенттің тапсырмасын орындау үшін арнайы мамандар тобы құрылды. Барлық қызметкер техникамен жұмыс істеу үшін қажет оқытудан және дайындықтан өтті. Астана су қоймасы – елорданы сумен қамтамасыз етуде маңызды рөл атқаратын стратегиялық нысан. Заманауи техниканың арқасында біз бұл су қоймасын жарты ғасырдан кейін алғаш рет тазартып, жұмысты жақсы әрі тиімді атқара аламыз, – деді су ресурстары және ирригация министрі Нұржан Нұржігітов.
Биыл Астана су қоймасынан 50 мың тонна лай шығару жоспарланған. Бұл жұмыстар қазан айының соңына дейін жалғасып, жыл сайын 13 жыл бойы жүргізіледі.
Нәтижесінде Астана су қоймасының сыйымдылығы 47 миллион текше метрге артады. Нысан көбірек су жинап, елорда тұрғындарын сумен қамтамасыз етуді жақсартуға мүмкіндік береді.
