Петропавл су қоймасы жанынан өтетін «Челябі-Новосібір» тасжолын су басты.
Кеше сағат 22.00-де көліктің барлық түріне бұл учаскеден өтуге шектеу қойылды. Қазір бұл жерде мамандар тәулік бойы кезекшілік етіп жатыр.
Жеңіл көліктер қала ішімен өтіп, жолын жалғастыра алады. Ал жүк көліктері «Петерфельд-Архангелька-Новокаменка» жолы арқылы айналып өте алады. Солтүстік Қазақстан облысында су тасқынының екінші толқыны басталды. Есіл және өңірдегі шағын өзендерде су деңгейі көтеріліп жатыр.
«Қазгидромет» РМК СҚО филиалының мәліметінше, өткен тәулікте Тоқсан би ауылының маңында Есіл өзені 171 сантиметрге көтерілді. Қауіпті деңгейге жету үшін әлі 1 мың сантиметр қажет. Крещенка ауылының маңында – 56, Сергеевка қаласының жанында 45 сантиметр көтерілген.
Сергеев су қоймасы бөгетінің жотасынан асып-төгілу 104 сантиметрге жетті. Қазір ол 118% толған. Петропавл су қоймасының да су деңгейі көтеріліп келеді. Бір тәулікте 10 сантиметрге өзгерді.
