Ауыл шаруашылығы саласындағы кәсіп иелері мен бұқаралық ақпарат құралдары қосымша құн салығынан босатылады.
Бұл туралы салық кодексі жобасын қорғаған ұлттық экономиканың бірінші вице-министрі Азамат Әмрин айтты.
Реформа жасардың алдында бүкіл өңірді араладық. Бизнес қауымдастықпен талқылау жұмыстарына алты жұмыс тобы атсалысқанын білесіздер. Осы жұмыс аясында 2,5 мыңнан астам жеке кәсіпкермен және жеке шаруашылық басшыларымен кездестік. Олардың бүкіл ұсыныстарын тыңдап, жазып алдық. Қазір сол ұсыныстарды талқылау жүріп жатыр. Мәжілістің осы мәселеге байланысты құрылған жұмыс тобында да осы мәселелерді терең пысықтаймыз деп ойлаймын, — деді Азамат Әмрин.
