Қазақстандағы кей пойызға спутниктік интернет қосылды. Бұл туралы ҚТЖ баспасөз қызметі хабарлап отыр.
Пойыздарда интернет қосу – жолаушылар тасымалын дамыту жолындағы маңызды қадам. Бұл жоба жолаушыларға байланыста қалып, әрі жұмыс істеп, әрі демалуға мүмкіндік береді. Алдағы уақытта біз осы қызметті кеңейтіп, алдымен «Тальго» пойыздарының барлық 15 бағытына интернет қосуды жоспарлап отырмыз, – деді «Жолаушылар тасымалы» АҚ басқарма төрағасы Әнуар Ахметжанов.
Жоба цифрлық даму министрлігі мен Eutelsat-OneWeb компаниясы арасындағы келісімнің арқасында жүзеге асқан.
Осы жобаның арқасында интернет ұстамайтын шалғай аймақтарда да интернет тұрақты әрі жылдам болады екен.
Спутниктік интернет барлық пойызға қосылмады. Әзірге «Астана-Алматы» бағыты бойынша жүретін №3/4 пойыздарының жолаушылары интернетке қосыла алады.
