Қазақстан президенті Қасым-Жомарт Тоқаев «Ана тілі» газетіне сұхбат беріп, Қаңтар оқиғасы туралы айтты.
Журналист «Ел ішінде «Қаңтар оқиғасының құпиясы толық ашылған жоқ» деген пікір бар. Бұған не айтар едіңіз?» деген сұрақ қойған.
Тәртіп орнатуға және ахуалды тұрақтандыруға қатысты батыл шаралар қабылдаған соң, мен құзырлы органдарға Қаңтар оқиғасының мән-жайын толық әрі шынайы тергеп-тексеру туралы тапсырма бердім. Тергеу ашық жүргізілді. Қылмыскерлер жазасын алды, – деп жауап берді президент.
Естеріңізге сала кетейік, Қаңтар оқиғасы кезінде 238 адам қаза болған. Құқық қорғаушылар бұл оқиғаның шындығы толық ашылмады деп есептейді.
