Ақтау маңында «Баку-Грозный» бағытындағы ұшақ апатқа ұшырады. Алдын ала мәлімет бойынша, ұшақ апатынан алты адам аман қалған.
Бұл туралы денсаулық сақтау министрлігі хабарлап отыр.
Апат орнына санитарлық авиация борттары ұшып шықты. 14 жедел жәрдем бригадасы аттанды. Травматолог, нейрохирург және басқа да дәрігер мамандар бара жатыр. Оқиға орнында қажетті медициналық көмек көрсетеміз және қажет болған жағдайда алып келеміз, — деді денсаулық сақтау министрі Ақмарал Әлназарова.
Еске салайық, «Баку-Грозный» бағытындағы ұшақ Azerbaijan Airlines авиакомпаниясына тиесілі. Ұшақ бортында 62 жолаушы мен 5 экипаж мүшесі болған.
