Құрылыс саласында бақылауды күшейтудің алқасында 103 миллиард теңге үнемделді. Бұл туралы қаржы мониторингі агенттігі хабарлап отыр.
Қаржы мониторингі агенттігі инфрақұрылымдық және әлеуметтік жобаларды салу кезінде жобалау-сметалық құжаттаманы талдап, артық шығын тәуекелдерін барынша азайтты.
Нәтижесінде жыл басынан бері 61 құрылыс жобасы бойынша шығындар қысқартылып, мемлекетке шамамен 103 миллиард теңге үнемдеуге мүмкіндік берді.
Мәселен, Қарағанды облысында «Қарағанды Су» ЖШС негізгі су тазарту құрылыстарының блоктарын қайта жаңарту жобасының жобалық-сметалық құжаттарын әзірлеу кезінде құбыр бұйымдарының бес түрінің құны асыра көрсетілгені анықталды. Бағаны қымбаттату фактісі ұқсас тауарлардың бағасын және басқа жеткізушілердің балама ұсыныстарын салыстыру арқылы анықталды, — дейді ведомстводағылар.
Жұмыс қорытындысы бойынша жобаның мәлімделген сметалық құны 6,1 миллиард теңгеге төмендетілді.
Сонымен қатар Ақтөбе қаласында «Моисеевкий су тартқышының құрылысы» жобасын іске асыру кезінде су резервуарларының көлемі азайтылып, бұл 827 миллион теңгені үнемдеуге мүмкіндік берді, шығындар 929 миллион теңгеден 102 миллион теңгеге дейін төмендетілді, — делінген хабарламада.
Резервуарлар көлемінің өзгеруі құбырлар мен сорғылардың мөлшерін өзгертуге себеп болды, соның нәтижесінде шамамен 20 миллиард теңге үнемделді.
