2024 жылғы қаңтар-қыркүйекте Астанаға 1 097 413 адам келді, олардың басым бөлігі ішкі туристер. Бұл туралы елорда әкімдігінің ресми сайты хабарлап отыр.
2024 жылы туристер Астанаға бұрынғыға қарағанда 12%-ке көп келді. 1 097 413 адамның 261 964-і немесе 23,9%-і – шетел азаматтары.
Астанаға ең үлкен туристік ағын жаз айларында тіркелді. Маусымда қалаға 757 068 адам келсе, олардың саны шілдеде – 807 219, тамызда – 829 627 адамға жетіп, бұл бір жылдағы ең жоғары көрсеткішке ие болды.
Астана ірі халықаралық іс-шараларды өткізу алаңына айналды. Биыл елордада Automechanika Astana 2024, Eurasian Book Fair, Astana Half Marathon халықаралық көрмелері, әйгілі Дат актері Мадс Миккелсеннің қатысуымен Comic Con заманауи гик-мәдениет фестивалі, 5-ші дүниежүзілік көшпенділер ойындары, Димаш Құдайбергеннің концерті, Enactus World Cup 2024 студенттік кәсіпкерлік бойынша Enactus Әлем кубогі, грэпплингтен әлем чемпионаты және тағы басқа сияқты ірі іс-шаралар өтті.
