TikTok платформасы Орталық Азиядағы ең ірі технопарк Astana Hub-пен серіктестікте үшінші жыл қатарынан өткізіп келе жатқан TikTok Startup академиясының кеңейтілген білім беру бағдарламасын қорытындылады.
Жоба стартаптарға цифрлық маркетиңде жаңа білім алуға және платформаның бизнесті ілгерілету және өсіру платформасы ретіндегі әлеуетін толық ашуға көмектеседі. Биыл ол Қазақстан, Әзербайжан, Қырғызстан және Өзбекстаннан келген стартаптарды біріктірді.
Бұл бастама мақсатты аудитория арасында үлкен қызығушылық тудырды, бағдарламаға қатысуға төрт елден 176 стартап өтініш берді. Қатысушы компаниялар әртүрлі саланы ұсынды: өтінімдер білім беру және технологиялық саладағы компаниялардан, сонымен қатар е-коммерция сегментінен және саяхат пен ұлттық көрікті жерлерді таныстыру шешімдерінен алынды.
Жоба финалына 40 стартап шықты. Финалистер бірқатар критерийлер бойынша таңдалды: стартап идеясының жаңашылдығы, даму кезеңі, географиялық кеңейту жоспарлары және платформада жылжыту стратегиясының сапасы. Astana Hub питч-сессияларының қорытындысы бойынша 10 жеңімпаз таңдалды, олар 30 000 доллар көлеміндегі жалпы жүлде қорын өзара бөлісті, және оны платформадағы ілгерілетуге жұмсай алады.
- iTarla (Әзербайжан)
- Легко (Қырғызстан)
- Postureletics (Қазақстан)
- Stepogram (Өзбекстан)
- Food-Ai (Қазақстан)
- Qpia (Қазақстан)
- Airun (Қырғызстан)
- Beksar (Қазақстан)
- Documood (Әзербайжан)
- Talklif (Өзбекстан)
Біз кәсіпкерлерге қолдау көрсетуге тырысамыз және олардың бизнесті ілгерілетіп, дамытуы үшін платформамызды пайдалануға көмектесеміз. Біздің бизнесті қолдаудағы адалдығымыз туралы Startup академиясы шеңберіндегі стартап командаларын үшінші рет оқытып жатқанымыздан-ақ белгілі. Биыл біз академия бағдарламасын кеңейтіп, төрт елден келген 40 командаға питч-сессиялары аясында өздерінің даму стратегияларын ұсынуға мүмкіндік бердік. Үздік идеяларды ұсынған 10 жеңімпаз өз шығармашылық идеяларын платформадағы жарнамалық науқандарға аударуға мүмкіндік беретін гранттарға ие болады, — деді Қазақстандағы TikTok бизнесті дамыту департаментінің басшысы Юлия Кушнир.
