Ұлттық тасымалдаушы жолаушылар сұранысын қанағаттандыру мақсатында Тәуелсіздік күні мен Жаңа жыл мерекесіне орай қосымша пойыздарды іске қосады.
Бұл туралы «Жолаушылар тасымалы» АҚ баспасөз қызметі хабарлап отыр.
Қосымша пойыздар келесі бағыттар бойынша қатынайды:
№201/202 «Астана-Алматы» пойызы:
- Астанадан: 2024 жылғы 13, 16, 19, 22, 25, 28 желтоқсан, 2025 жылғы 1, 4 қаңтар.
- Алматыдан: 2024 жылғы 14, 17, 20, 23, 26, 29 желтоқсан, 2025 жылғы 2, 5 қаңтар.
№203/204 «Астана-Шымкент» пойызы:
- Астанадан: 2024 жылғы 13, 17, 20, 23, 26, 29 желтоқсан, 2025 жылғы 1, 4 қаңтар.
- Шымкенттен: 2024 жылғы 14, 18, 21, 24, 27, 30 желтоқсан, 2025 жылғы 2, 5 қаңтар.
№205/206 «Ақтөбе-Астана» пойызы:
- Ақтөбеден: 2024 жылғы 13, 16, 19, 22, 25, 28 желтоқсан, 2025 жылғы 1, 4 қаңтар.
- Астанадан: 2024 жылғы 14, 18, 21, 24, 27, 30 желтоқсан, 2025 жылғы 3, 6 қаңтар.
Барлық пойыздарда купе және плацкарт вагондары бар.
2024 жылғы 13 желтоқсаннан бастап қосымша электр пойыздары іске қосылады:
- №7553/6811–6812/7556 «Қарағанды-Астана-Бурабай курорты» электрпойызы жұма, сенбі және жексенбі күндері қатынайды.
- №7509/6805–6806/7510 «Павлодар-Астана-Бурабай курорты» электрпойызы аптасына үш рет, яғни жұма, сенбі және жексенбі күндері қатынайды.
Қосымша пойыздар жолаушылар үшін қолайлы орын санын арттырып, көрсетілген бағыттар бойынша билеттердің қолжетімділігін қамтамасыз етеді.
Билеттерді bilet.railways.kz сайтынан немесе вокзал кассаларынан алуға болады.
Қосымша ақпаратты «1433» тегін нөмірі немесе ресми Instagram @jolaushylar_tasymaly парақшасы арқылы білуге болады.
