Елімізде 29 қарашада теледидар мен радио жұмыс істемейді. Бұл туралы «Қазтелерадио» ұлттық операторы хабарлап отыр.
Қазақстанда жоспарлы профилактикалық жұмыстарды жүргізу үшін сәрсенбі күні телеарналар мен радиостанциялар хабар таратуды уақытша тоқтатады.
2024 жылғы 29 қарашада сағат 03:00 мен 17:00 аралығында жерсеріктік, цифрлық және аналог эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім сұраймыз!, — делінген хабарламада.
«Қазтелерадио» телерадио хабарларын таратуды үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
