Қазіргі уақытта Департамент қызметкерлері, жергілікті атқарушы орган, жергілікті полиция қызметі және ұлттық ұланмен өзара тығыз әрекет ету арқылы су басуы ықтимал аймаққа жатқызылған объектілер мен тұрғын үйлерде жадынама мен хабарламалар таратуда. Тиісті жұмыстар барысында тұрғындардың саны нақтыланып, тізім жасалады.
Бүгінгі күні «КЖБИ» с/қ, мемлекеттік бағдарлама бойынша үйлер салу, ЛПУ, Мехток, қарттар үйі ауданы және Газмашаппаратура ауданында өзеннің жаңа арнасының бойымен 10 560 метрлік қашықтықта жаға сызығын бекіту жұмыстары жүргізілді. 20 мың қап құм әзірленіп, 3830 метрге төселді. Су тасқынының алдын алуда 1110 текше метр инертті материалдар және 20 мың дана қап дайындалды. Есіл өзенінің жағажайын бекітуге барлығы 297 адам және 141 дана инженерлік және қосымша техника тартылды.
Астана қаласының әкімдігінің мәліметінше, қаладағы жағдай тұрақты және бақылануда.
