АҚШ-тың Пуэбло қаласында U19 жасқа дейінгі жастар арасындағы әлем чемпионаты өтіп жатыр. Чемпионатта боксшы Асылхан Көшербай күміс медаль алды. Бұл туралы Olympic.kz хабарлап отыр.
Асылхан Көшербай 65 келі салмақ дәрежесі бойынша жұдырықтасқан. Финалда аустралиялық Купер Макконалмен айқасып, нәтижесінде қазылар 2:3 есебімен жеңісті Аустралия боксшысына берді. Сөйтіп спортшымыз әлем чемпионатының күміс жүлдегері атанды.
Естеріңізге сала кетейік, бұған дейін 85 келі салмақ дәрежесі бойынша Даниял Райымбеков те күміс медалді қоржынға салған еді.
