Ақтөбе облысында Ырғыз ауданынан жолға шыққан көліктегі адамдармен байланыс үзіліп қалған. Жеңіл көліктегі жеті адамды құтақрушылар елді мекеннен 30 шақырым жерден тапты. Бұл туралы ТЖМ хабарлап отыр.
Ақтөбе облысының диспетчері пультіне жеті адамның, оның ішінде үш баланың жеңіл автокөлікпен Ырғыз ауданының Нұра ауылынан жолға шығып жоғалғаны туралы хабарлама түсті. Іздеу жұмыстарының нәтижесінде бұл азаматтар елді мекеннен 30 шақырым қашықтықта батпақты жерде тұрып қалғаны анықталды, — делінген хабарламада.
Құтқарушылар жолда қалған адамдарды тауып, олар үйіне аман-есен жеткізілген. Медициналық көмекті қажет еткендер болмады.
