Жұмыс істейтін зейнеткерлерді мемлекеттік бюджеттен берілетін зейнетақыдан айыру ұсынысы қоғамда үлкен алаңдаушылық туғызды. Бұл идея бюджетті оңтайландырудың әділетті жолдарын іздеудің орнына, мемлекеттің ең осал топтарының біріне ауыртпалық салу әрекеті сияқты көрінеді. Мәжіліс депутаты Асхат Аймағамбетов осындай мәлімдеме жасады.
Депутаттың айтуынша, көптеген зейнеткердің өзі қазірдің өзінде лайық өмір сүруге жетпейтін ең төменгі зейнетақы алатынын түсіну маңызды. Енді жасына қарай әлеуметтік қамтамасыз ету құқығына кепілдік беретін Конституцияның 28-бабында көрсетілген бұл аз ғана табыс та күмән тудырып отыр.
Асхат Аймағамбетов үнемдеудің жолын адамдар қарсы тұра алмайтын жерден іздейді деген әсер қалдыратынын жазды. Әуелі онкологиялық науқастарды емдеуге бөлінетін қаражатты, содан кейін хоспистер мен ауыр науқастарға қолдауды қысқарту ұсынылды, енді жұмыс істейтін зейнеткерлерге қол сұғылып жатыр.
Көптеген зейнеткер қалағаннан емес, қажеттіктен жұмыс істеп жүр, өйткені олардың табысы негізгі қажеттіктерді қанағаттандыруға жетпейді. Бюджетті үнемдеу қажет, бірақ білім беру, денсаулық сақтау, зейнетақы, жәрдемақы және азаматтарымыздың еңбекақысына қол сұғуға болмайды, — дейді депутат.
Оның айтуынша, форумдар, мерекелік безендірулер, жаңа әкімшілік ғимараттардың құрылысы, қажетсіз үлкен стадиондар салу, шетел легионерлерінің жалақысы және басқа да осындай шығын тапшылықты толтыруға жеткілікті болар еді.
Бастысы, еңбек және халықты әлеуметтік қорғау министрлігі мұндай бастамалардың шын мәнінде жоқ екенін, заңнамаға өзгерістер енгізу жоспарланбайтынын түсіндірді. Министрліктің айтуынша, бұл тек талқылауға ұсынылған пікір ғана болды, ал жақын арадағы жоспарға кірмейді.
Соған қарамастан, бұл идеяның конституциялық және әділеттілік принциптеріне қайшы келетінін және азаматтардың алаңдауына негіз жоқ екенін айтқым келеді. Әріптестердің осындай сезімтал мәселелер бойынша ойланып, жауапкершілікпен пікір білдіруін қалаймын, өйткені қоғамда түсініспеушілік пен орынсыз алаңдаушылық туғызудың қажеті жоқ, — деп жазды Асхат Аймағамбетов.
Естеріңізге сала кетейік, бұған дейін жмыс істеп жүрген зейнеткерге зейнетақы төлеуді зейнетке шындап шыққанға дейін доғара тұру ұсынылған еді.
