Еліміздегі республикалық маңызы бар автомобиль жолдарындағы күн райын Kaztoll.kz сайтынан онлайн көруге болады. Мұны ҚазАвтоЖол компаниясы еске салып отыр.
Қолайлы қозғалыс үшін 17 ақылы учаскеде 74 камера орнатылды. Бұл жүргізушілер үшін алдын ала сапарды жоспарлауға, автожолдардағы күн райын көруге және жолдағы қолайсыздықтардың алдын алуға мүмкіндік береді, — делінген хабарламада.
Компания қыс мезгілінде Kaztoll.kz сайты мен Sapar мобайл қолданбасын жиі қолдануды ұсынып отыр.
Қолданьа арқылы ҚазАвтоЖолдың Телеграм арнасындағы және 1403 байланыс орталығынан қажет ақпарат алуға болады.
