Президент Испания короліне елінің Ұлттық күнімен құттықтап жеделхат жіберді. Бұл туралы Ақорда хабарлап отыр.
Қасым-Жомарт Тоқаев жеделхатта Король VI Фелипені Испанияның Ұлттық күнімен құттықтап, корольдікті іргесі берік, әлеуметтік-экономикалық әлеуеті мен халықаралық сахнадағы беделі жоғары мемлекет ретінде бағалады.
Мемлекет басшысы Қазақстан мен Испания арасындағы стратегиялық серіктестік уақыт өткен сайын нығайып келе жатқанын зор ризашылықпен атап өтіп, бірлескен күш-жігер арқылы өзара тиімді ынтымақтастық екі ел халқының игілігі үшін ұдайы дами беретініне сенім білдірді.
Қазақстан президенті Испания Королінің барлық игі бастамасына толайым табыс, ал достас испан халқына бақ-береке тіледі.
