Ұлытау облысында 15 ақбөкенді бауыздаған браконьерлер ұсталды. Олар 44-53 жас аралығындағы көрші облыстың тұрғындары болып шықты.
Төрт браконьер Ұлытау ауданының аумағында құрықталды. Полиция қызметкерлері «Охотзоопром ӨБ» РМҚК инспекторларымен бірлесіп жүргізген рейдте бірнеше адамнан құралған браконьерлік топты анықтады.
Тексеру барысында ұсталғандардан «Урал» маркалы екі мотоцикл, 15 ақбөкен еті, 29 дана кесілген мүйіз, 2 бірлік тегіс ұңғылы қару табылды. Ұсталғандар 44-53 жас аралығындағы көрші облыстың тұрғындары болып шықты.
Қазіргі уақытта қылмыстық іс қозғалып, тергеу жүргізіліп жатыр. Күдіктілер уақытша ұстау изоляторына қамауға алынды.
