Олимпиаданың күміс жүлдегері Нариман Құрбановқа Allur компаниясы Skoda Kodiag көлігін табыстады.
Компанияның президенті Станислав О-Юн-Бем спортшыға автокөліктің кілтін тапсырып, алдағы жарыстарына табыс тіледі.
Біз Нариманмен мақтанамыз. Ол болашақта еліміздің көк байрағын желбіретіп, әнұранымызды шырқатады деп ойлаймыз. Солай болатынына сенеміз, – дейді ол.
Нариман Құрбанов компанияға сыйлық жасағаны үшін алғысын айтып, бұл сыйлық ынталандыратынын жеткізді.
Бұл сыйлық мені алдағы уақытта болатын жарыстарға ынталандырады. Сіздерге көп рахмет! – дейді ол.
Естеріңізге сала кетейік, гимнаст Нариман Құрбанов тұтқалы ат жаттығуында күміс жүлдеге ие болды
Бұл – Қазақстанның гимнастикадан олимпиада ойындарында алған ең алғашқы медалі.
