YDD Corporation ферроқорытпа зауытында пештен кенет жалын шығып, жұмысшылар жарақат алды. Бұл туралы зауыттың баспасөз қызметі хабарлады. ⠀
2024 жылғы 20 шілдеде сағат 04:10-да YDD Corporation ферроқорытпа зауытында штаттан тыс жағдай болды. № 1 пештен кенеттен жалын шығып, кәсіпорынның сегіз жұмысшысы әртүрлі дәрежеде жарақат алды, — делінген хабарламада.
Қазіргі уақытта зардап шеккен жұмыскерлердің бәрі ауруханаға жеткізіліп, шұғыл медициналық көмек беріліп жатыр.
