Мемлекет басшысы ҰОК президенті Геннадий Головкинді қабылдады. Бұл туралы Ақорда хабарлады.
Қасым-Жомарт Тоқаевқа ұлттық құраманың Париж олимпиадасына әзірлігі жөнінде мәлімет берілді.
Геннадий Головкин ұйымның халықаралық бағыттағы қызметін үйлестіру шаралары, сонымен қатар салалық білім беру жобалары туралы баяндады. Оның айтуынша, ҰОК Халықаралық олимпиада комитетімен, Азия олимпиада кеңесімен және басқа елдердің осындай құрылымдарымен байланысты жандандырып жатыр.
Сонымен қатар Ұлттық олимпиада комитеті спортшылардың құқығын қорғауға бағытталған жобаларға баса мән беріп келеді.
