Елордалық сотта Қуандық Бишімбаев пен Бақытжан Байжанов ісі бойынша апелляциялық сотының бірінші отырысы басталды.
Сотта бірінші болып Бишімбаевтың адвокаты Ерлан Ғазымжанов сөз сөйледі. Қорғаушы Бишімбаевқа шығарылған үкіммен келіспейтінін мәлімдеді.
Мен оны заңсыз деп санаймын және қылмыстық кодекстің «Абайсызда өлімге әкеп соқтырған денсаулыққа ауыр зиян келтіру» бойынша 106-бабына ауыстырылып, жаза азайтылуы қажет. Ал «Азаптау» бабы бойынша үкімнің күші жойылып, іс қайта қарауға жіберілуі керек, — деді Ерлан Ғазымжанов.
Оның айтуынша, үкімді өзгертуге және жоюға болады. Өйткені қорғаушы бірінші сатыдағы сот жасаған 20 бұзушылықты анықтап, апелляцияда көрсеткен. Адвокат алқабилер алқасын құру кезінде соттың кейбір кандидаттарға қарсылық білдіруін бірінші ауыр құқықбұзушылық деп атады.
Судья өз еркімен шешім қабылдап, қайсысының сотталушымен жасты балалары бар екенін анықтай бастады және 20 үміткердің ішінен төртеуін шығарып тастады. Шығарылған үш үміткердің ұлдары бар еді. Осылайша, судья алқабилер алқасын құру тәртібін бұзбағанда және заң бойынша әрекет еткенде, осы төрт үміткердің ішінен біреу негізгі құрамға кіріп, дауыс берер еді. Үкім басқаша болуы мүмкін еді, — деді Ерлан Ғазымжанов.
Еске салайық, экс-министр Қуандық Бишімбаев әйелі Салтанат Нүкенованы өлтіргені үшін 24 жылға сотталған. Қуандық Бишімбаевтың туысы Бақытжан Байжанов 4 жылға бас бостандығынан айырылған. Екі тұлға да сот шешіміне келіспей, апелляциялық шағым түсірген.
