Қазақстанда мемлекеттік қызметшілер жаңа әдіспен іріктеледі. Бұл туралы мемлекеттік қызмет істері агенттігі төрағасының орынбасары Азамат Жолманов айтты.
Азамат Жолмановтың айтуынша, мемлекеттік қызметке іріктеудің ашықтығын қамтамасыз ету мақсатында былтыр e-Qyzmet.gov.kz сыртқы интернет-порталы іске қосылып, іріктеудің жаңа ережелері әзірленген.
2023 жылғы 1 наурыздан бастап оған алты мемлекеттік орган қосылды. Қазіргі уақытта 22 мемлекеттік орган қосылды. 1 шілдеде бұл жүйе 22 мемлекеттік органда қосымша енгізіледі, — деді Азамат Жолманов.
Жаңа жобаның ерекшелігі – азаматтар кез келген уақытта және интернетке қолжетімді кез келген жерден онлайн режимінде байқаудың барлық кезеңіне қатыса алады.
Тараптар арасындағы мүдделер қақтығысын және сыбайлас жемқорлық тәуекелдерін болдырмау үшін кандидаттарға ID-нөмір беріледі. Сонымен қатар адам факторын жою үшін конкурстық процедураның ашықтығы тәуелсіз прокурорлық жүйе арқылы қамтамасыз етіледі. Байқау жеңімпазын ақпараттық жүйе барлық кезеңдердің нәтижелері бойынша жалпы балл бойынша дербес анықтайды, — деді Азамат Жолманов.
