Қасым-Жомарт Тоқаев Ақордада Оңтүстік Корея Республикасының президенті Юн Сок Ёльді қарсы алды. Бұл туралы Ақорда хабарлады.
Мәртебелі мейманның сапарына орай салтанатты рәсімдер залында құрмет қарауылы сап түзеп, оның бастығы мемлекет басшыларына сәлемдік баянат берді. Осыдан кейін президенттік оркестр екі елдің мемлекеттік әнұрандарын орындады.
Әнұрандарды тыңдап болғаннан кейін Қасым-Жомарт Тоқаев пен Юн Сок Ёль кілемше бойымен Қазақстан Республикасының Мемлекеттік Туына қарай жүрді. Оның алдына келгенде мейман тоқтап, басын сәл иіп, өзінің құрметін білдірді. Сонан соң мейман мен президент құрметті қарауыл сапының бойымен жүрді.
