Өткен айда Қазақстан заңнамасын бұзғаны үшін 3 мыңнан астам адам шекарада ұсталды. Бұл туралы ҰҚК баспасөз қызметі хабарлады.
Сәуірде шекара қызметі барлығы 3 186 адамды ұстады.
Оның ішінде:
- 38 шетел азаматы шекараны бұзған;
- 29 шетел азаматы шекараны бұзуға әрекеттенген.
Мемлекеттік шекара арқылы 1 342 заңсыз алып өту фактілерінің алды алынды, соның ішінде:
- 49 факті – есірткі заттары, жалпы салмағы 780 кг-дан жоғары;
- 36 факті – ату қаруы мен оқ-дәрілер (17 дана жарылғыш жұмыстар үшін компоненттер, үш дана ату, үш дана зақым келтіру және 17 дана суық қарулары, 81 дана оқ-дәрілер);
- 38 факті – діни әдебиет (842 дана);
- 341 факті – жалпы сомасы 12 миллион теңгеден асатын жанар-жағармай материалы (133 тоннадан астам);
- 744 факті – жалпы сомасы 3,4 миллиард теңгеден астам халық тұтыну тауарлары;
- 134 факті – жалпы сомасы 1,5 миллиард теңгеден астам шетел валютасы.
Каспий акваториясында 120 браконьерлік фактілерінің алды алынды, сонымен қатар:
- 54 дана жүзу құралдары;
- жалпы ұзындығы 244,6 км торды құрайтын браконьерлік аулау құралдары;
- 1 226 дана (алты тонна) бекіре тұқымдас балықтар;
- 98 428 дана (61 тонна) таза тұқымдас балықтар;
- 63 дана (бір тонна) итбалықтар.
Алды алынған залал сомасы 2,3 миллиард теңге болды.
Бұл фактілер бойынша материалдар кінәлілерді жауапкершілікке тарту үшін құқық қорғау және сот органдарына жіберілді.
