Жетісай ауданында экоакция аясында 300 түп ағаш әктелді. Бұл туралы Түркістан облысының өңірлік коммуникациялар қызметі хабарлады.
Республикалық «Таза Қазақстан» экологиялық акциясының «Таза өлке» апталығында Жетісай қаласында орналасқан Орталық саябақта тазалау жұмыстары жүргізіліп, 1 тоннаға жуық қоқыс қалдықтары шығарылды. Сонымен қатар 300 түп ағаш әктеліп, тұрғындарға кедергі келтіретін ағаш бұтақтары ретке келтірілді. Бұдан бөлек, 1 шақырым жаяу жүргіншілер жолын тазалау жұмыстары жүргізілді, — делінген хабарламада.
Іс-шараға ерікті жастар, қоғам белсенділері және тазалық жұмысына жауапты мамандар мен техникалар жұмылдырылды.
Акцияға жалпы 120 азамат қатысты. Жетісай ауданында акция аясындағы жұмыстарды сапалы ұйымдастыру үшін жұмыс жоспары бекітіліп, түрлі тақырыптарда сенбіліктер, плоггингтер ұйымдастыру жоспарланып жатыр, — делінген хабарламада.
